திருமணம்

ஒருவரை ஒருவர் விரும்பி
கண்டதும் காதல் கொண்டு
சில பொழுதுகள் இனிமையில்
சில பொழுதுகள் சண்டையில்
சில பொழுதுகள் அழுகையில் நகர்ந்து
பதிவு அலுவலகத்தில் நண்பர்கள் சூழ
நடக்கும் பதிவுத் திருமணத்திலும் சரி

பெற்றோர் உற்றார் உடனிருக்க
பெண் வீட்டிற்கு சென்று
பஜ்ஜி சொஜ்ஜி தின்று
பல லட்சம் செலவு செய்து
வரவேற்பு உணவுக்காக நடக்கும்
உறவினரின் செல்ல சண்டைகளுடன்
நடக்கும் திருமணத்திலும் சரி

புரிதல், விட்டுக் கொடுத்தல், காதல் இல்லையேல்
இரு மனங்கள் இணைவதாக சொல்லும்
எந்த திருமணத்திலும் உண்மையான வெற்றி இல்லை
உண்மையான வெற்றி பெற
உறவுகளை சமமாய் மதித்து
ஒருவரை ஒருவர் நன்கு புரிந்து
வாழும் வாழ்வில் வெற்றி பெற வேண்டும்