Thursday, November 25, 2010

மனித தெய்வங்கள்

நகரத்தில் பிறந்து
அடுக்குமாடிக் குடியிருப்பில் வளர்ந்து
செடி, கொடிகள் மற்றும் பறவைகளைக் கூட
புத்தகத்தில் மட்டுமே பார்த்து
உதவிக்குக் கூட அண்டை வீட்டுக்
கதவுகள் மூடியபடி  இருந்து
பணியிடத்திலும் கூட மனம் விட்டு
பேச முடியாமல் வாழ்ந்து
அலுத்து போன நண்பிக்கு
ஓட்டு வீடுகளாய் எளிமையாய் இருந்தாலும்
இயற்கையோடு இணைந்து
அண்டை அயலாருக்கு உதவி செய்து
நாட்டு மக்களின் உணவுத் தேவையை
பூர்த்தி செய்யும் கிராம மக்கள்
மாறுபட்ட மனித தெய்வங்களாய் தெரிந்தனர்! ! !

Friday, October 22, 2010

முட்டுக்கட்டை

நண்பனொருவன் சொன்னான் இலவச
பயிற்சி வகுப்பு எடுப்போம்
இயலாத பள்ளி மாணவர்களுக்கு என்று..
நாங்களும் எங்கள் பகுதியில் ஆரம்பித்தோம்
முதல் நாள் வந்தார்கள் வெட்டி வேலை என்றார்கள்
அடுத்த நாள் இதெல்லாம் ஆகற வேலையா என்றார்கள்
விடுமுறை நாட்களில் திறன் அறியும்
போட்டிகளில் வென்றவர்க்கு
பரிசு கொடுத்தால் மத பிரச்சாரமா
என்றன  மத அமைப்புகள்
இலவச நோட்டு புத்தகம் கொடுத்தால்
கட்சியில் ஆள் சேர்கிறீர்களா
என்றனர்  கட்சி அமைப்பினர்
எங்களையும் அவர்களைப் போல எண்ணி
எங்கள்  முயற்சிக்கு கைகொடுக்காவிட்டாலும்
முட்டுக்கட்டை போடாமல் இருக்கலாமே 

Thursday, October 14, 2010

சர்வதேச கண்பார்வை தினம்

அக்டோபர் மாதம் 2 -வது வியாழக்கிழமை சர்வதேச கண்பார்வை தினமாக கொண்டாடப்படுகிறது.
இந்நாளில் நாம் அனைவரும் ஒரு வாக்குறுதி எடுப்போம்  கண்பார்வை குறைபாடற்ற சமுதாயம் உருவாகப் பாடுபடுவோம் என்று.

பட்ட மரத்தின் வேதனை

வறட்சி காலத்தில் ஊர்க்கோடியில்
இலைகளற்ற நிலையில் இருக்கும் எனக்கு
என் வாழ்வுக்கு ஆதாரமாம் மழைக்கு
காரணமான என் சக தோழர்களை
அழித்து என்னை தனி( பட்ட) மரமாக்கிய
நீங்களே அவ்வாறு அழைப்பதைக் கேட்கும்
வேதனையை விட நானும்
அவர்களுடன் வெட்டுப்பட்டு
மடிந்திருக்கலாமே ! ! !