ஆத்திகனும் நாத்திகனும்

கோவிலில் கடவுளைத் தேடி
கோவிலைச் சுத்தம் செய்து
கோவிலையே தங்கள் உரிமையாய் கொண்டாடி
மனதை அசுத்தமாக வைத்திருக்கும்
ஆத்திகனை விட
மனதைச் சுத்தமாக வைத்து
அனைவருக்கும் நன்மை செய்யும்
நாத்திகனே ஒரு படி மேலானவன்
கடவுளின் ஆசியும் இருக்கும்

நம்பிக்கை நட்சத்திரம்

சோர்வு ஏற்படும் போது சக்தி அளிக்கும் வள்ளலாய்
மனம் தளரும் போது ஊக்கம் அளிக்கும் ஒளியாய்
முடியாதெனும் போது முடியுமெனும் நம்பிக்கையாய்
வாழ்வில் வரும் வசந்தத்திற்கு காரணமாய்
என்றென்றும் நீ வர வேண்டும்
என்ற எண்ணத்துடன் வாழ்கிறேன்

நானும் நீயும்

கடல் கடந்து போனாலும்
உன் முகம் மறக்காது...
எவ்வளவு தொலைவில் நீ இருந்தாலும்
நம் அன்பு மாறாது...
வாழ்நாள் முழுதும் உன்னுடன்
துணையாய் வருவேன்..